ԱԺ «Քաղաքացիական պայմանագիր» խմբակցությունը նոր քարտուղար ունի
ԱԺ «Քաղաքացիական պայմանագիր» խմբակցության քարտուղար է ընտրվել պատգամավոր Արթուր Հովհաննիսյանը։ Այս մասին տեղեկացնում է խմբակցության տարածած հաղորդագրությունը:
Հիշեցնենք, որ իշխող խմբակցության քարտուղարի պաշտոնը 8-րդ գումարման խորհրդարանի ձեւավորումից հետո զբաղեցնում էր պատգամավոր Նազելի Բաղդասարյանը, որը հոկտեմբերի 29-ին մանդատը վայր դնելու դիմում էր ներկայացրել, իսկ նոյեմբերի 8-ին վարչապետի որոշմամբ նշանակվել Շիրակի մարզպետ:
