ՄԱԿ-ի Անվտանգության խորհուրդը հուլիսի 8-ին կքննարկի իրադրությունը Հաիթիում
Միավորված ազգերի կազմակերպության Անվտանգության խորհուրդը մտադիր է քննարկել իրադրությունը Հաիթիում հուլիսի 8-ին կայանալիք նիստին: Ինչպես հաղորդում է «Արմենպրես»-ը, այս մասին ՏԱՍՍ-ին հայտնել է ՄԱԿ-ի աղբյուրը:
Հաիթիի նախագահ Ժովենել Մոիզը հուլիսի 7-ին մահացու վիրավորում էր ստացել իր նստավայրի վրա անհայտ անձանց հարձակման հետևանքով: Հարձակումից նախագահի տիկինը ևս վիրավորվել էր և տեղափոխվել հիվանդանոց: Հայտնի է, որ կնոջ վիճակը կրիտիկական է:
Հաիթիում հայտարարվել է ռազմական դրություն: Դոմինիկյան Հանրապետությունը փակել է այդ երկրի հետ իր սահմանները:
