Գերիները մեզ կներեն մի ամիս, երկու ամիս ավելի Բաքվի բանտում գերության մեջ մնալու համար. Նիկոլ Փաշինյան
Դուք պիտի գիտակցեք, որ գերիների հարցն այսօր ուզում են մեր պետության ու ժողովրդի դեմ օգտագործել՝ անհամաչափ։ News.am-ի փոխանցմամբ՝ ՀՀ վարչապետի պաշտոնակատար Նիկոլ Փաշինյան այսօր՝ հունիսի 7–ին, Արմավիրի մարզի Արմավիր գյուղ նախընտրական այցի ժամանակ անդրադարձավ գերիների խնդրին։
«Դուք պիտի գիտակցեք, որ գերիների հարցն այսօր ուզում են մեր պետության ու ժողովրդի դեմ օգտագործել՝ անհամաչափ զիջումներ պարտադրելու համար: Այո, այդ տղաները Բաքվի բանտերում պայքարում են Հայաստանի անկախության համար, Հայաստանի ինքնիշխանության համար։ Եվ, այո, նրանք մեզ կներեն՝ մի ամիս, երկու ամիս ավելի գերության մեջ մնալու համար։ Բայց նրանք չեն ների մեզ, եթե մենք հանուն իրենց ազատության զիջենք մեր երկրի անկախությունը եւ ինքնիշխանությունը»,- նշեց նա։
Փաշինյանի խոսքով՝ պետք է ուշադիր լինեն գերեվարվածների ընտանիքների նկատմամբ, եւ, որ պետությունն ինչ հնարավոր է, անում է:
«Բայց եկեք թույլ չտանք, որ մեր ցավերով մեզ ավելի ցավեցնեն: Թույլ չտանք, որ մեր վերքերը մեզնով ավելի խորացնեն»,- շեշտեց Փաշինյանը:
