Այս ընտրությունները լինելու են ատելության ընտրություն. Աղասի Ենոքյան
Այս ընտրությունները լինելու է ատելության ընտրություն։ Նախկիններին ատողներով Նիկոլը մրցելու է Քոչարյանի հետ, ում ընտրազանգվածը լինելու է Նիկոլին ատողները։
Որևէ դրական, կառուցողական գաղափար այս ընտրություններում չի կարող աշխատել, քանի որ հիմա ամենաուժեղ էմոցիան ատելությունն է, որը սպանում է որևէ դատողություն, ռեալ գնահատական ու նախընտրական ծրագիր։
Նիկոլին ատողներից և նախկիններին ատողներից բացի կան նաև շատերը, ովքեր ատում են երկուսին էլ, բայց նրանք չեն գնա ընտրության։ Սրանց վրա են հույս դնում «երրորդ ուժերը»՝ մարդ-կուսակցությունները, ովքեր փորձելու են կրկնակի ատող այս զանգվածի միջոցով ձայները փոշիացնել, իսկ հետո իրենք իրենց ծախել Նիկոլի կամ նախկինների վրա։
Սա չի կարող լինել ապագայի ընտրություն, սա ատելության մրցակցություն է։ Ընտրության համար նախ անհրաժեշտ է հասարակությունից հանել ատելության գեներատորին՝ Նիկոլին, իր «Perfect TV»-ների, ուսապարկերի և ֆեյքերի հետ միասին, մարդկանց ժամանակ տալ ատելության հիպնոսի տակից դուրս գալու, և նոր միայն գնալ ընտրությունների։
Ատելության ընտրությունը փակուղի է, իսկ եթե ճար չկա և ընտրությունների նպատակը հասարակության նիկոլաթափումն է լինելու, ապա պետք է խոսել այդ մասին, պետք է ասել, որ սա նախնական միջոցառում է, որից հետո մարդկանց կտրվի ընտրության հնարավորություն։
Աղասի Ենոքյանի ֆեյսբուքյան էջից։
