Ի պաշտպանություն Ամուլսարի ակցիան չկայացավ, մասնակիցները բերման ենթարկվեցին. Tert.am (տեսանյութ)
Ընդդեմ Ամուլսարի շահագործման՝ Կառավարության դիմաց հավաքվել էին քաղաքացիներ և իրավապաշտպաններ:
Ակցիայի մասնակիցները բերման ենթարկվեցին: Ակցիայի մասնակիցները նշում էին, որ իրենք միմյանցից կանգնել են 2 մ հեռավորության վրա: Սական ոստիկանությունը պահանջեց հավաքը դադարեցնել:
Իրավապաշտպան Նինա Կարապետյանցը նշեց, որ իրեն ասել են՝ դադարեցնել հավաքը, և իրեն ձերբակալում են.
«Ես ասեցի, որ հավաք չեմ իրականացնում, այլ ինդիվիդուալ ակցիա եմ իրականացնում, իմ բողոքի ձայնն եմ բարձրացնում` Ամուլսարի հետ կապված»,-նշեց նա:
Ոստիկանության բաժանմունք տարվեց նաև իրավապաշտպան Արա Ղարագյոզյանը:
Երևանի փոխոստիկանապետ Արթուր Խուդինյանը նշեց, որ չգիտի` քանի հոգի են բերման ենթարկվել, իրենք ներկայացրել են օրինական պահանջը, որ արտակարգ դրության ժամանակ կազմակերպել հավաքներ չի թույլատրվում, տրվել է ժամանակ, մասնակիցներից մի մասը գնացել է, իսկ ով մնացել է՝ բերման է ենթարկվել: Հավաքը դադարեցվել է: