Զելենսկին տուգանվել է կարանտինային կանոնները խախտելու համար
Ուկրաինայի նախագահ Վլադիմիր Զելենսկին տուգանվել է երկրի կարանտինային կանոնները խախտելու համար, հաղորդում է BBC-ն։
Զելենսկին ասել է, որ ինքը սահմանափակումները խախտել է՝ հունիսի 3-ին Խմելնիցկի քաղաքում սրճարան այցելելով։
Ուկրաինայի նախագահի գրասենյակը լուսանկար է հրապարակել, որտեղ Զելենսկին սրճարանում սուրճ է խմում՝ չնայած այդ օրերին փակ տարածքում նման ծառայությունների մատուցումը դեռևս արգելված էր։ Նախագահը նաև առանց դիմակի էր։
Զելենսկին ընդունել է իր մեղավորությունը՝ ասելով, որ իրեն տուգանելու որոշումը ճիշտ է համարում, սակայն չի մանրամասնել տուգանքի չափը։