Արցախում հարգանքի տուրք է մատուցվել ավերիչ երկրաշարժի զոհերի հիշատակին

Դեկտեմբերի 7-ին 88-ի ավերիչ երկրաշարժի զոհերի հիշատակին, հարգանքի տուրք է մատուցվել Արցախում, որին մասնակցել են նաև ՊԲ-ի բարձրաստիճան հրամկազմի ներկայացուցիչները՝ ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի գլխավորությամբ:

ԱՀ ՊՆ մամուլի ծառայության տեղեկացմամբ, Սպիտակի մեծ աղետի զոհերի հիշատակին կառուցված հուշակոթողին ծաղիկների խոնարհումից հետո ներկաները մասնակցել են ոգեկոչման արարողության, որի ժամանակ Արցախի հոգևոր առաջնորդ Պարգև արքեպիսկոպոս Մարտիրոսյանը իրականացրել է հոգևոր կարգ՝ ի հիշատակ և ի փրկություն 88-ի երկրաշարժի անմեղ զոհերի հոգիների: