Շիրակի մարզում քաղաքական դրդապատճառներով կին են ձերբակալել
Ընդդիմադիր քաղաքական գործիչ, նախկին իրավապաշտպան Կարապետ Պողոսյանն այսօր իր ֆեյսբուքյան էջում գրառում էր կատարել՝ տեղեկացնելով, որ Շիրակի մարզում կրկին կնոջ են ձերբակալել։
«Շիրակի մարզում կրկին կին է ձերբակալվել քաղաքական մոտիվներով, ձերբակալման հիմքը կատարյալ զավեշտ։ Այս պահին փորձում ենք հնարավորինս աջակցել, ավելի ուշ մանրամասները կներկայացնեմ»,– գրել էր նախկին իրավապաշտպանը։
Կարապետ Պողոսյանն Aravot.am-ին տեղեկացրեց, որ կինն Ախուրյանից է՝ մոտ 60 տարեկան, քաղաքական գործիչ չէ, ճանաչված դեմք չէ, սակայն տարիներ շարունակ քննադատական գրառումներ է կատարել իշխանության հասցեին՝ արտահայտելով իր անհամաձայնությունը նրանց վարած քաղաքականության նկատմամբ՝ այս կամ այն հարցի շուրջ։
