Դատարանը երկարաձգեց Ռոբերտ Քոչարյանի կալանքի ժամկետը

ՀՀ երկրորդ նախագահ Ռոբերտ Քոչարյանի կալանքի ժամկետը դատարանը երկարաձգեց 2 ամսով:

Հիշեցնենք՝Ռոբերտ Քոչարյանի կալանքի ժամկետը երկարացնելու միջնորդություն էր ներկայացրել դատախազ Ծովակ Մնացականյանը։ Ըստ միջնորդության՝ ՀՀ երկրորդ նախագահը, ազատության մեջ գտնվելով, կարող է խոչընդոտել նախաքննությանը։ ՀՀ երկրորդ նախագահ Ռոբերտ Քոչարյանը մեղադրվում է պաշտոնեական լիազորությունները չարաշահելով խոշոր չափերի կաշառք ստանալու և փողերի լվացման հոդվածներով։

Փաստաբան Արամ Օրբելյանի խոսքով՝ մեղադրանքն անհիմն է և կամայական եզրահանգումներով արված գեղարվեստական հորինվածք։