Վենեսուելայի խորհրդարանը հավանություն է տվել նավթային ոլորտը մասնավորեցման համար բացելու նախագծին
Վենեսուելայի խորհրդարանը հավանություն է տվել նավթային ոլորտի մասնավորեցման նախագծին, որը փոխում է սոցիալիստական պետության հիմնադիր սկզբունքներից մեկը։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Նախագծի ընդունումից անմիջապես հետո Կարակոսում տեղի է ունեցել արարողություն, որտեղ նախագահի պաշտոնակատար Դելսի Ռոդրիգեսը ստորագրել է նոր օրենքը: Նա հավաքվածներին ասել է, որ Դոնալդ Թրամփի և Մարկո Ռուբիոյի հետ հեռախոսազրույցի ժամանակ նրանք ողջունել են ձեռք բերված համաձայնությունների իրականացումը:
Երբ օրինագիծն ընդունվեց, ԱՄՆ-ի ֆինանսների նախարարությունը պաշտոնապես սկսեց մեղմացնել վենեսուելական նավթի նկատմամբ պատժամիջոցները։
ԱՄՆ նախագահ Դոնալդ Թրամփն ավելի վաղ հայտարարել էր, որ իր վարչակազմը կվերահսկի Վենեսուելայի նավթի արտահանումը և կվերականգնի հիվանդ արդյունաբերությունը՝ ներգրավելով օտարերկրյա ներդրումներ։
Օրենքը խոստանում է մասնավոր ընկերություններին վերահսկողություն տրամադրել նավթի արդյունահանման և վաճառքի նկատմամբ և թույլ տալ վեճերի անկախ արբիտրաժ։ Արտասահմանյան ներդրողները կարծում են, որ անկախ դատարանների ներգրավումը կարևոր է ապագա բռնագրավումներից պաշտպանվելու համար։
