Վաշինգտոնը կոչ է անում Բաքվին՝ ազատել քաղաքական դրդապատճառներով անազատության մեջ պահվող անձանց
Վաշինգտոնը խորապես մտահոգված է «Toplum TV» լրատվամիջոցի, ինչպես նաև անկախ լրագրողների, քաղաքացիական ակտիվիստների դեմ Բաքվում իրականացվող արշավի մասին հաղորդումներով։ Այս մասին ճեպազրույցի ժամանակ հայտարարել է ԱՄՆ պետքարտուղարության խոսնակ Մեթյու Միլլերը։
ԱՄՆ-ն է կոչ անում ազատ արձակել այն անձանց, ովքեր քաղաքական դրդապատճառներով պահվում են անազատության մեջ․ «Ոչ ոք չպետք է ենթարկվի բանտարկության կամ պատասխանատվության՝ խոսքի ազատության իրացման համար», – ասել է Միլլերը։
Հիշեցնենք, որ երեկ Ադրբեջանի ոստիկանությունը ներխուժել է «Toplum TV»-ի տարածք, խուզարկություններ է անցկացրել և ձերբակալել լրագրողներ Էլմիր Աբասովին և Արազ Ալիևին:
