Պատժամիջոցները կարող են խանգարել խաղաղության գործընթացի արդյունավետ ընթացքին. կարծում է Վինքելմայեր-Բեքերը
«Անշուշտ, արդարացի են հնարավոր պատժամիջոցներ կիրառելու այն բոլոր փաստարկները, որոնք դուք բերում եք, բայց ես կարծում եմ, որ պատժամիջոցները շատ հաճախ սահմանափակ հաջողություններ են ունենում: Ես կուզենայի ձեր հույսը՝ հարցի վերջնական լուծման հետ կապված, փոքր ինչ հարաբերականացնել, այն առումով, որ այս փուլում հատկապես, այդպիսի պատժամիջոցների կիրառումը կարող է խանգարել խաղաղության գործընթացի արդյունավետ ընթացքին»,- այսօր՝ փետրվարի 27-ին, Հայաստանում Գերմանիայի դեսպանատանը մամուլի ասուլիսի ժամանակ ասաց Գերմանիայի Բունդեսթագի իրավական հանձնաժողովի նախագահ Էլիզաբեթ Վինքելմայեր-Բեքերը, պատասխանելով լրագրողի հարցին, թե ինչո՞ւ Արևմուտքը պատժամիջոցներ չի կիրառում Ադրբեջանի նկատմամբ:
«Ես կուզենայի, որ Հայաստանը շարունակեր ավելի շատ աշխատել և հետամուտ լինել բարեփոխումների արդյունավետ իրականացմանը, որպեսզի ՀՀ քաղաքացին կարողանա իրացնել իր հիմնարար ազատությունները՝ չենթարկվելով պետական ճնշումների: Եվ հենց այստեղ է Հայաստանի զորությունը՝ համեմատ իր մյուս հարևանների»,-եզրափակեց Էլիզաբեթ Վինքելմայեր-Բեքերը:
