Մայիսի 16-ից կչեղարկվեն ՌԴ մուտք գործելու սահմանափակումները Հայաստանի և Ղրղզստանի քաղաքացիների համար
ՌԴ իշխանությունները մայիսի 16-ից կչեղարկեն երկիր մուտք գործելու սահմանափակումները Հայաստանի և Ղրղզստանի քաղաքացիների համար, ինչպես նաև ՌԴ քաղաքացիների սահմանափակումներն՝ այդ երկրներ մուտք գործելու համար: Интерфакс-ի փոխանցմամբ՝ այս մասին հայտնել են կորոնավիրուսի տարածման դեմ պայքարի օպերատիվ շտաբից:
«Բացի այդ, օպերատիվ շտաբը որոշում է կայացրել մայիսի 16-ից վերացնել ՌԴ քաղաքացիների մուտքի սահմանափակումները Դոնեցկի և Լուգանսկի ժողովրդական հանարպետություններ»:
Որոշում է կայացվել նաև միջազգային ավիաչվերթների համար բացել Անադիր, Բլագովեշչենսկ, Բրատսկ, Կուրգան, Մագաս, Օստաֆյեւո, Պետրոզավոդսկ, Սարանսկ, Սիմֆերապոլ, Ուլյանովսկ, Յարոսլավլ օդանավակայանները:
«Բացի այդ, Ռուսաստանը մայիսի 16-ից կչեղարկի սահմանափակումները դեպի Էկվադոր կանոնավոր և չարտերային չվերթներ իրականացնելու համար»,- հայտնել են օպերատիվ շտաբից:
