Vanity Fair-ը՝ ԱՄՆ նախագահ Դոնալդ Թրամփի փեսայի գաղտնի գործարքների մասին. ադրբեջանական բանկը միլիոններ է փոխանցել նրա հաշվին
Vanity Fair-ը հոդված է հրապարակել ԱՄՆ նախագահ Դոնալդ Թրամփի փեսայի և նրա նախկին ավագ խորհրդական Ջարեդ Քուշների մասին: Այն բացահայտում է շեյխերի հետ հարյուր միլիոնավոր դոլարների գաղտնի գործարքներ՝ Մերձավոր Արևելքը վերափոխելու համար։ Տվյալները հրապարակվել են ռուսական հետախուզական հաքերների կողմից: Քուշներն ինքը հերքել է բոլոր մեղադրանքները։
Հետաքննության մանրամասները.
«Գործարքի արվեստը. Ջարեդ Քուշների կոտրված հեռախոսը բացահայտում է նրա գաղտնի զրույցները, այդ թվում՝ ավելի քան 700 միլիոն դոլարի փոխանցումներ» հոդվածում հաղորդվում է «Արքայազններ և գողեր. Ջարեդ Քուշների և Մոհամմեդ բին Զայեդի գաղտնի դավադրությունը՝ Մերձավոր Արևելքը վերափոխելու համար» գրքի տեղեկությունները։
Գրքի հեղինակի խոսքով, հոլանդական կառավարությունը մուտք է գործել Թրամփի փեսայի Դուբայի բանկային հաշվին։ Աղբյուրը պնդում է, որ Ադրբեջանի մի բանկից այս հաշվին են փոխանցվել բազմամիլիոն դոլարանոց միջոցներ: Քուշները նաև ենթադրաբար զգալի գումարներ է փոխանցել այս հաշվից ուրիշներին, այդ թվում՝ զորահրամանատարի, վարձկանի և նախկին մարդասպանի:
«Ալֆա» անունով հաշիվը բացվել է First Abu Dhabi Bank-ում և պարունակում էր մոտ 750 միլիոն դոլար: Նմանատիպ հաշիվ կարող է բացված լինել նաև Իսրայելում: Այս գումարը ենթադրաբար օգտագործվել է որպես պահուստային ֆոնդ գաղտնի գործողությունների համար:
Գրքում պնդվում է, որ Միացյալ Արաբական Էմիրությունների շեյխ Մոհամմեդ բին Զայեդ Ալ Նահյանը և Սաուդյան Արաբիայի թագաժառանգ Մոհամմեդ բին Սալմանը ենթադրաբար տրամադրել են առնվազն 2 միլիարդ դոլար «Մերձավոր Արևելքում ոչ պաշտոնական դիվանագիտության և ազդեցության համար»:
Գրքում նման գործարքների վերաբերյալ որևէ պաշտոնական հաստատում կամ ապացույց չկա:
