Կարևորում ենք Հայաստանի և Ադրբեջանի միջև համագործակցությունը անհետ կորած անձանց հարցում․ ICMP
Անհետ կորած անձանց հարցերով միջազգային հանձնաժողովը կարևոր է համարում Հայաստանի և Ադրբեջանի միջև համագործակցությունը անհետ կորած անձանց ճակատագիրը որոշելու գործում։
Ըստ ԱՊԱ-ի՝ Անհետ կորած անձանց հարցերով միջազգային հանձնաժողովի (ICMP) գլխավոր տնօրեն Քեթրին Բոմբերգերն այս հայտարարությունն արել է «Անհետ կորած անձանց հարցի լուծման գործում ժամանակակից մոտեցումներ և համագործակցության ամրապնդում» միջազգային կոնֆերանսում ելույթ ունենալիս, որը տեղի է ունեցել Անհետ կորած անձանց հարցերով միջազգային հանձնաժողովի (ICMP) հետ համագործակցության շրջանակներում։
Նա գոհունակություն է հայտնել Երևանի և Բաքվի միջև խաղաղության գործընթացում ձեռք բերված առաջընթացի կապակցությամբ և ընդգծել այս գործընթացի կարևորությունը անհետ կորած անձանց ճակատագիրը պարզելու համար։
