Իրանը վերացնում է միջազգային ինտերնետի հասանելիության սահմանափակումները
Իրանը վերացնում է երկրում միջազգային ինտերնետին հասանելիության բոլոր սահմանափակումները։ Այդ մասին ՏԱՍՍ-ին հայտնել է իրանական դիվանագիտական աղբյուրը։
«Ոչ միայն վերացվել են բոլոր ոլորտներում ազգային ինտերնետային հարթակի բոլոր սահմանափակումները, այլև սկսած հունվարի 19-ից աստիճանաբար վերացվում են նաև միջազգային ինտերնետային սահմանափակումները,-ասել է աղբյուրը։- Նախագահ Փեզեշքիանը համապատասխան մարմիններին ուղղված նամակում պահանջել է վերացնել բոլոր սահմանափակումները՝ ինտերնետային շուկան վերակենդանացնելու և միջազգային ինտերնետին հանրային հասանելիությունն ապահովելու համար, և այս գործընթացն այժմ ընթացքի մեջ է»,- հավելել է դիվանագիտական աղբյուրը։
Հիշեցնենք, որ Իրանում բողոքի զանգվածային ակցիաների ֆոնին երկրում սահմանափակվել էր իներնետային հասանելիությունը։
