Հուլիսի 19-ին Սուրբ Սարգիս եկեղեցում սպասում են սրբերի անունները կրող մարդկանց
Հուլիսի 19-ին՝ շաբաթ՝ ժամը 10-ին, սիրով սպասում ենք Զաքարիա, Եղիսե, Պետրոս, Անդրեաս, Հակոբոս, Հովհաննես, Մատթեոս, Բարդուղիմեոս, Փիլիպոս, Թովմաս, Թադեոս, Հակոբ, Շմավոն, Մատաթիա և Պողոս անունը կամ ազգանունը կրողներին։
Արարատյան Հայրապետական թեմի առաջնորդանիստ Սուրբ Սարգիս եկեղեցում կկատարվի օրհնության կարգ՝ տվյալ շաբաթվա տոնացույցում նշված սրբերի անունները կրող անձանց համար։
Ամեն շաբաթ օր՝ ժամը 10-ին, թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ առաջնորդանիստ Ս․ Սարգիս եկեղեցում կատարվում է օրհնության կարգը՝ նպատակ ունենալով վերականգնել անվանակոչության տոնը նշելու գեղեցիկ ավանդույթը։
Հուլիսի 14-20-ի տոնացույցը՝
- Հուլիսի 14- Ս. Կալիստրատոսի և 49 վկաների և Ղունկիանոս քահանայի հիշատակության օր
- Հուլիսի 15- Ս. Զաքարիա մարգարեի հիշատակության օր
- Հուլիսի 17- Եղիսե մարգարեի հիշատակության օր
- Հուլիսի 19- Քրիստոսի 12 առաքյալների եւ Ս. Պողոս 13-րդ առաքյալի հիշատակության օր
- Հուլիսի 20- Բարեկենդան Վարդավառի պահոց։
