Միհրան Մախսուդյանի գործով ապացույցները նրա անչափահաս տղայի չաշխատող դրոնն ու օրինական զենքն են

Տավուշցի լրագրող Ոսկան Սարգսյանը գրում է.

«Ոսկեպարից սերված, գնդապետ Միհրան Մախսուդյանը կալանքը կրում է «Վարդաշեն» ՔԿՀ-ում։ Նրա շահերը պաշտպանում է փաստաբան Աննա Մանթաշյանը։

Տիկին Մանթաշյանից տեղեկացա, որ Միհրան Մախսուդյանին մեղադրում են 2 հոդվածով` իշխանության զավթմանը նախապատրաստելու և սահմանադրական կարգը տապալելու նախապատրաստության հոդվածներով, Մախսուդյանի տան խուզարկությամբ որպես քրեական գործով ապացուցներ են ներգրավել Մախսուդյանի 13տարեկան տղայի անսարք, չաշխատող դրոնը և Մ.Մախսուդյանին վաղուց պատկանող օրինական զենքը։

Քրեական գործի հիմքում «բեսեդկայի» զրույցներ են, որտեղ դժգոհություն է իրավիճակից, այդ զրույցներն արվել են 2024 թվականին։ Փաստաբանի վկայությամբ` այդպիսի դժգոհություններ արտահայտում են Նիկոլ Փաշինյանի խոսքերով` Հայաստանի 3 միլիոն վարչապետների 90 տոկոսը, ուստի նրանք ևս կարող են կալանավորվել այդ հիմքով»։