Լեհաստանում ուժեղ փոթորիկների պատճառով շուրջ 30 հազար մարդ մնացել է առանց էլեկտրաէներգիայի
Լեհաստանի իշխանությունները հայտնել են, որ շուրջ 30 հազար մարդ մնացել է առանց էլեկտրաէներգիայի, ուժեղ քամիները տապալել են ծառեր և պոկել էլեկտրահաղորդման գծեր։
«Արմենպրես»-ի փոխանցմամբ՝ այս մասին հայտնում է Euronews-ը:
Հատկապես երկրի հարավային շրջանում ուժեղ անձրևը, փոթորիկը և կարկուտը վնասել են բնակելի շենքերի ճակատային մասերը։
Հրշեջ ծառայությունից հայտնել են, որ իրենց աշխատակիցներն աշխատում են ծայրահեղ վատ եղանակային պայմանների հետևանքները վերացնելու ուղղությամբ։
