Թրամփը հայտնել է Իրաքում ԻՊ առաջնորդի ոչնչացման մասին
Ամերիկացի զինվորականները լիկվիդացրել են «Իսլամական պետություն» ահաբեկչական խմբավորման առաջնորդին, ով գտնվում էր Իրաքում։ Այս մասին հայտնել է ԱՄՆ նախագահ Դոնալդ Թրամփը։
Իր «Truth» սոցիալական հարթակում գրառում կատարելով՝ նախագահ Թրամփը հայտարարել է. «Այսօր Իրաքում սպանվել է ԻՊ-ի փախուստի մեջ գտնվող առաջնորդը։ Նա անընդհատ հետապնդվում էր մեր խիզախ մարտիկների կողմից։ Նրա, ինչպես նաև ԻՊ-ի ևս մեկ անդամի խղճուկ կյանքը վերջ գտավ Իրաքի կառավարության և Քրդական ինքնավար կառավարության համագործակցությամբ։ ԽԱՂԱՂՈՒԹՅՈՒՆ ՈՒԺԻ ՄԻՋՈՑՈՎ»։
Աբդալլահ Մակկի Մուսլիհ ալ-Ռիֆան ԻՊ-ի որոշումներ կայացնող ամենաբարձր մարմնի ղեկավարն էր և պատասխանատու էր ամբողջ աշխարհում ԻՊ-ի կողմից իրականացվող գործողությունների, նյութատեխնիկական ապահովման և պլանավորման համար, հայտարարել է ԱՄՆ Կենտրոնական հրամանատարությունը:
Նա նաև ֆինանսավորել է խմբի համաշխարհային կազմակերպության ֆինանսական մեծ մասը, ավելացրել է Centcom-ը:
