Երևանի ավագանին նիստ կգումարի. օրակարգում փոխքաղաքապետների ընտրություններն են
Վաղը՝ հոկտեմբերի 26-ին՝ ժամը 10.00-ին, գումարվելու է Երևան քաղաքի ավագանու արտահերթ նիստ:
Քաղաքապետարանից հայտնում են, որ նիստի օրակարգում են Երեւանի քաղաքապետի առաջին տեղակալ եւ երեք փոխքաղաքապետներ ընտրելու հարցերը:
Ըստ նախագծերի քաղաքապետի առաջին տեղակալի պաշտոնում առաջադրվել է Արմեն Փամփուխչյանի թեկնածությունը: Փոխքաղաքապետների թեկնածուներն են Լեւոն Հովհաննիսյանը, Սուրեն Գրիգորյանը եւ Սարգիս Մադաթյանը:
Նշենք, որ նախօրեին դադարեցվել էին Սուրեն Գրիգորյանի ու Սարգիս Մադաթյանի՝ ավագանու անդամի լիազորությունները:
Նշենք նաեւ, որ Սարգիս Մաթադյանը «Հանրապետություն» կուսակցությունից է:
