Դասադուլին միացած ուսումնական հաստատությունների թիվն ավելանում է
Այսօր վաղ առավոտից Երևանում բողոքի ակցիաներ են։ Այդ ակցիաներին են միացել նաև ուսանողները։ Վաղ առավոտից դասադուլ է բազմաթիվ ուսումնական հաստատություններում։
Այսպիսով․
Հայ–ռուսական (Սլավոնական) համալսարանը միացել է դասադուլին։
Տնտեսագիտական համալսարանում ևս դասեր չեն իրականացվել։
Դասադուլ են իրականացրել և միացել ակցիային բազմաթիվ ուսանողներ Երևանի պետական համալսարանից և Երևանի պետական բժշկական համալսարանից։
Դասադուլ է հայտարարել Կոմիտասի անվան պետական կոնսերվատորիայի ուսանողական խորհուրդը։
Դասադուլին են միացել բազմաթիվ ուսանողներ Բրյուսովի անվան համալսարանից։ Համալսարանի պրռեկտոր Ցոլակ Ակոպյանը հայտարարել է գործադուլ և կոչ արել ուսանողներին որ չվախենան սպառնալիքներից, եթե ուզենան դասադուլ անել։
Դասադուլ են հայտարարել Շիրակի պետական համալսարանի մի շարք ուսանողներ։
Դասադուլին են միացել Ֆրանսիական համալսարանը, Երևանի թատրոնի և կինոյի պետական ինստիտուտը, ինչպես նաև Շառլ Ազնավուրի անվան արվեստի և մշակույթի պետական քոլեջի ուսանողները:
