«Անմահ գունդ»-ը երթով հարգանքի տուրք մատուցեց Հայրենական մեծ պատերազմի հերոսներին
Հայրենական մեծ պատերազմի հերոսների սխրանքները վերհիշելու, վերարժևորելու, վետերաններին ևս մեկ անգամ հարգանքի տուրք մատուցելու նպատակով «Անմահ գունդ» հասարակական կազմակերպության նախաձեռնությամբ Հաղթանակի օրը՝ մայիսի 9-ին, վետերանների մասնակցությամբ բազմամարդ երթ անցկացվեց դեպի Հաղթանակի զբոսայգու անմար կրակը:
Երթը մեկնարկեց Երևանի Արաբկիր համայնքի Սուրբ խաչ եկեղեցուց:
Երթի առջևում «Պոբեդա» ավտոմեքենաներն էին, որոնցում նստած էին վետերանները, նրանց հետևում էին «Վիլիս»-ները, որոնցում Հայրենական պատերազմի զինվորական համազգեստով արտիստներն էին:
Երթի մասնակիցները ծածանում էին Հայաստանի դրոշը, իրենց հետ տանում էին Հայրենական մեծ պատերազմում զոհված հարազատների լուսանկարները:
