Թեհրանը սատարում է ՌԴ դիվանագիտական աշխատանքը՝ ուղղված ԼՂ հարցում Ադրբեջանի ու Հայաստանի միջև զինադադարի հաստատմանը
Թեհրանը սատարում է Ռուսաստանի դիվանագիտական աշխատանքը՝ ուղղված Լեռնային Ղարաբաղի հարցում Ադրբեջանի ու Հայաստանի միջև զինադադարի հաստատմանը: Այս մասին հայտարարել է Ռուսաստանում Իրանի դեսպան Քազեմ Ջալալին, հաղորդում է «Ինտերֆաքս»-ը:
Ըստ նրա՝ տարածաշրջանում խաղաղության հասնելու համար նույնպես տեղին կլինի Իրանի, Ռուսաստանի և Թուրքիայի միջնորդության ձևաչափը՝ որպես երաշխավոր երկրներ, Աստանայի ձևաչափի մոդելով։
«Կամ այլ մոդելներ, օրինակ՝ ԵԱՀԿ Մինսկի խմբի և Իրանի ու Թուրքիայի միջև որոշակի համադրություն և այլ առաջարկներ»,- ավելացրել է դիվանագետը՝ նշելով, որ այդ առաջարկները նույնպես ենթակա են ուսումնասիրման և դիտարկման:
