Վերջին 24 ժամում հակառակորդն ունեցել է շուրջ 360 կենդանի ուժի կորուստ և մոտ 600 վիրավոր
Արցախա-ադրբեջանական շփման գծում տեղի ունեցող մարտական գործողությունների արդյունքում հակառակորդն ունեցել է կենդանի ուժի 350-360 կորուստ:
Այս մասին մամուլի ասուլիսին ասաց ՊՆ ներկայացուցիչ Արծրուն Հովհաննիսյանը:
«Հակառակորդի բոլոր հարձակողական գործողությունները ձախողվել են, ՀՀ զինված ուժերը հետ են շպրտել հակառակորդին՝ պատճառելով որոշակի վնաս: Նրանք ունեցել են կենդանի ուժի 350-360 կորուստ և մոտ 600 վիրավոր: Խոցվել է 3 ուղղաթիռ, մոտավոր 15 միավոր տարբեր տեսակի զրահատեխնիկաներ, այդ թվում նաև ՀՄՄ-ներ (hետևակի մարտական մեքենա), ոնչնացվել է նաև 1 «Սմերչ» կայան, 6 ԱԹՍ, որից 2-3-ը գիշերվա սահմաններում»,- նշեց Հովհաննիսյանը:
Նրա խոսքով՝ շարունակվում են մարտական գործողությունները, ավելի շատ կիրառվում է հրետանի: Նա նշեց նաևր որ րոպեներ առաջ մարտական գործողությունները սկսել են թեժանալ:
