Իրան

Իրանի արտգործնախարարի Սիրիայի հարցով հատուկ բանագնաց Մոհամադ Ռեզա Ռաուֆ Շեյբանին հայտնել է, որ Թեհրանն ուղերձներ է ստանում Դամասկոսից, գրել է Mehr-ը։ «Իրանի Իսլամական Հանրապետությունն անուղղակի կապի մեջ է Դամասկոսի հետ, և մենք նաև ուղերձներ ենք ստանում»,- ասել է Մոհամադ Ռեզա Ռաուֆ Շեյբանին։ «Մենք ուշադիր հետևում ենք Սիրիայում տեղի ունեցող իրադարձություններին և հարմար ժամանակին կկայացնենք մեր որոշումը»,- ավելացրել է նա։ Իրանի հատուկ բանագնացը նաև ընդգծել է, որ հաշվի առնելով Սիրիայի հատուկ դիրքը Մերձավոր Արևելքի տարածաշրջանում, Իրանը կարծում է, որ Սիրիայի ապագան և ճակատագիրը որոշելու է արաբական երկրի ժողովուրդը, և ավելացրել, որ այս երկրի բոլոր քաղաքական շարժումները պետք է մասնակցեն այդ հարցին։ «Անշուշտ, կայունությունն ու խաղաղությունը Սիրիայում մեզ համար առանձնահատուկ նշանակություն ունեն, և մենք դեմ ենք ցանկացած արտաքին միջամտության այս երկրի գործերին»,- ասել է նա։ Շեյբանին ուրբաթ Մոսկվայում բանակցություններ է վարել ՌԴ նախագահ Վլադիմիր Պուտինի՝ Սիրիայի հարցով հատուկ ներկայացուցիչ Ալեքսանդր Լավրենտևի և ԱԳ փոխնախարար Միխայիլ Բոգդանովի հետ։ Երկկողմ հանդիպման ընթացքում Շեյբանին և ռուս պաշտոնյաները քննարկել և խորհրդակցել են Արևմտյան Ասիայի տարածաշրջանում, հատկապես Սիրիայում վերջին զարգացումների շուրջ։ Հաստատելով Սիրիայի միասնության, ինքնիշխանության և տարածքային ամբողջականության նկատմամբ իրենց շարունակական հարգանքն ու հավատարմությունը՝ երկու կողմերն ընդգծել են վերոնշյալ սկզբունքով երկրում կայունություն հաստատելու միջազգային ջանքերի կարևորությունը։ Նրանք նաև ընդգծել են իրենց համոզմունքը, որ Սիրիայի ներքին խնդիրները պետք է