ՀՀ փոխվարչապետը և ԱՄՀ ներկայացուցիչը քննարկել են ՀՀ տնտեսության կայունությանը վերաբերող հարցեր
Փոխվարչապետ Մհեր Գրիգորյանն ընդունել է Հայաստանում Արժույթի միջազգային հիմնադրամի (ԱՄՀ) մշտական ներկայացուցիչ Մեհդի Ռաիսիին: Այս մասին հայտնում են փոխվարչապետի գրասենյակից։
Զրուցակիցները քննարկել են տարածաշրջանային զարգացումների ֆոնին Հայաստանի տնտեսության և ֆինանսական համակարգի կայունությանն ուղղված Կառավարության ջանքերը և հնարավոր միջոցառումները:
Հանդիպման ընթացքում մտքեր են փոխանակվել նաև առանցքային ոլորտներում Կառավարության նախանշած բարեփոխումների շուրջ:
