Սահմանվել է Ռաֆահում իսրայելական բանակի գործողության մեկնարկի ամսաթիվը. Նեթանյահու
Իսրայելը չի հրաժարվում Եգիպտոսի հետ Գազայի հատվածին սահմանակից Ռաֆահ քաղաքում ռազմական գործողություն անցկացնելու իր ծրագրերից, գործողության մեկնարկի ժամկետն արդեն որոշված է։ Դրա մասին հայտարարել է Իսրայելի վարչապետ Բենիամին Նեթանյահուն։ Նա նշել է, որ ապրիլի 8-ին մանրամասն հաշվետվություն է ստացել Կահիրեում բանակցությունների վերաբերյալ։ Այս մասին տեղեկացնում է ՏԱՍՍ-ը:
«Մենք մշտապես աշխատում ենք մեր նպատակներին հասնելու՝ առաջին հերթին մեր բոլոր պատանդների ազատ արձակման և ՀԱՄԱՍ-ի դեմ լիակատար հաղթանակի հասնելու համար: Այս հաղթանակը պահանջում է մտնել Ռաֆահ և ոչնչացնել ահաբեկիչների գումարտակները»,- շեշտել է Նեթանյահուն։
Այդուհանդերձ, Իսրայելի վարչապետը հստակ ժամկետներ չի նշել։
