Իրանի գործերով ԱՄՆ-ի հատուկ ներկայացուցչի տեղակալն այցելել է Ադրբեջան
ԱՄՆ-ի Իրանի գործերով հատուկ ներկայացուցչի տեղակալ Աբրամ Փեյլին այցելել է Ադրբեջան։ Ինչպես տեղեկացրել է ԱՊԱ-ն, այցի ընթացքում դիվանագետը հանդիպել է Ադրբեջանի նախագահի օգնական Հիքմեթ Հաջիևի, արտաքին գործերի փոխնախարար Սամիր Շարիֆովի, Իրանում Ադրբեջանի դեսպան Ալի Ալիզադեի հետ։ Աբրամ Փեյլին հանդիպել է նաև Բաքվում Իսրայելի դեսպան Ջորջ Դիկի հետ։
Հանդիպումների ընթացքում քննարկվել են տարածաշրջանի, Իրանի, պատժամիջոցների հետ կապված հարցեր։