Բաքվի բռնապետը և Հայաստանի կառավարիչը իրավիճակը մոտեցնում են ռազմական էքսպանսիային
Ինչո՞ւ սկսել Հայաստանի նկատմամբ լայնածավալ ռազմական գործողություններ, եթե փաշինյանը պատրաստ է զիջել ամենինչ…
2018 թ․ իշխանազավթումը ուներ մի քանի նպատակ, պատվիրատուներից արևմուտքի համար առաջնային է ռուսական զորախմբի ամբողջական հեռացումը, թուրքական աշխարհի համար` պանթուրքիզմի ծրագրերի իրականացումը` Արցախի ամբողջական հայաթափում, Հայաստանի ինքնավարության վերացում.
Բնականաբար փաշինյանն առավելագույնն արեց, սակայն վերջնական ավարտին չի կարող հասցնել ամբողջապես կորցնելով իր նկատմամբ հասարակության վստահությունը, հետևաբար թուրքական աշխարհը կձգտի դրան հասնել լայնածավալ ռազմական սադրանքի միջոցով, ինչը ոչ մի կերպ չի թաքցնում Բաքվի բռնապետը իր հռետորաբանությամբ, իսկ Հայաստանի կառավարիչը ճղճղան լացով, երկուստեք իրենց համաձայնեցված գործողություններով ավելի ու ավելի են իրավիճակը մոտեցնում ռազմական էքսպանսիային։
Իսկ հաջորդ պատերազմը չի լինելու միջանցքի, կամ «անկլավների» համար, այն լինելու է հասարակությանը վերջնական կապիտուլացիա պարտադրելու և հայկական զինուժը ամբողջությամբ զինաթափելու նպատակով, ինչպես արվեց Արցախում։
Հետևաբար հայկական բանակի լուծարումը կբերի Հայաստանի ինքնավարության ամբողջական վերացմանը, կտա երաշխիք ադրբեջանին այլևս իրեն ապահով զգալու և կեղծ խաղաղության պայմանագրի ստորագրելու, իսկ նշված պայմանագիրն էլ հիմք` տարածաշրջանից ռուսական զորակայանների հեռացման գործընթաց սկսելու…
Կարապետ Պողոսյանի ֆեյսբուքյան էջից
