Ադրբեջանի կողմից խաղաղ գործընթացը խաբեություն է
Հայաստանի համար արտաքին քաղաքականությունն այն ոլորտներից մեկն է, որը երաշխավորում է իր բնակչության անվտանգությունը։ Այս մասին փետրվարի 9-ին՝ Ազգային ժողովում ավանդական ճեպազրույցների ժամանակ, հայտարարեց ընդդիմադիր «Հայաստան» խմբակցության ղեկավար, պաշտպանության նախկին նախարար Սեյրան Օհանյանը։
Նրա կարծիքով՝ նման հանդիպումներին անհրաժեշտ է մասնակցել բացառապես երկրի շահերից ելնելով։
«Իսկ ստեղծված իրավիճակը, հատկապես Ադրբեջանի ռազմական հռետորաբանությունը, խաղաղության պայմանագրի կարևոր և արդյունավետ կետերի բացակայությունը, ինչպես նաև Արցախի հարցում Բաքվի վերաբերմունքը հետին պլան են մղում ներկայիս խաղաղ գործընթացը։ Սա ստիպում է մտածել, որ Ադրբեջանի կողմից խաղաղ գործընթացը խաբեություն է»,- ասել է Օհանյանը՝ վկայակոչելով Բրյուսելում հնարավոր եռակողմ հանդիպումը։
Պատգամավորը կարծում է, որ Հայաստանն այս հարթակներում պետք է օգտագործի իր շահերը, այլ ոչ թե մշտական ճնշման տակ լինի ու գնա այս կամ այն զիջումների։
«Հայաստանը պետք է մասնակցի այնպիսի հանդիպումների, որտեղ առաջ կտանեն նրա շահերը»,- ընդգծեց պատգամավորը։
