Մեծ Բրիտանիայի թագավոր Չարլզի մոտ քաղցկեղ են ախտորոշել
Մեծ Բրիտանիայի թագավոր Չարլզ 3-րդի մոտ քաղցկեղ են ախտորոշել։ Այս մասին պաշտոնական հայտարարություն է տարածել Բուքինգեմյան պալատը։
Քաղցկեղը հայտնաբերելուց հետո 75-ամյա Չարլզ 3-րդը սկսել է բուժումը։ Բժիշկները նրան խորհուրդ են տվել ժամանակավորապես հետաձգել հանրային միջոցառումներին իր մասնակցությունը։
«Չարլզ 3-րդը քաղցկեղի հայտնաբերումից հետո կշարունակի կատարել պետական պարտականությունները և աշխատել փաստաթղթերի հետ»,- նշված է Բուքինգեմյան պալատի հայտարարության մեջ։
Նշվում է, որ թագավորը լիովին դրական է տրամադրված և անհամբեր սպասում է հանրային պարտականություններին վերադառնալուն՝ որքան հնարավոր է շուտ։
Չարլզ 3-րդը որոշում է կայացրել տեղակացնել հանրությանն իր ախտորոշման մասին, որպեսզի և՛ խուսափի անհարկի շահարկումներին, և՛ բարձրացնի հանրային իրազեկվածությունը քաղցկեղի վերաբերյալ։
A statement from Buckingham Palace: https://t.co/zmYuaWBKw6
📷 Samir Hussein pic.twitter.com/xypBLHHQJb
— The Royal Family (@RoyalFamily) February 5, 2024