Վթար՝ Բիշքեկի ՋԷԿ-ում, դիվերսիայի վարկած կա
Փետրվարի 2-ի գիշերը վթար է տեղի ունեցել Բիշքեկի ՋԷԿ-ում։ Տեղեկությունը հաստատել են երկրի էներգետիկայի նախարարությունից, փոխանցում է sputnik.kg-ն։
Ներկայումս Բիշքեկի որոշ հատվածներում սահմանափակված է տաք ջրի և ջեռուցման մատակարարումը։
Վթարի պատճառները հետաքննվում են։
Երկրի Արտակարգ իրավիճակների նախարարությունը դիտարկում է տեղի ունեցածի երկու վարկած, որոնցից մեկը դիվերսիա է։
Նշվում է, որ վթարի հետևանքով տուժել է 5 մարդ, որոնցից երկուսն ուղարկվել են ամբուլատոր բուժման։ Այրվածքներով ևս 2 մարդ ծանր վիճակում գտնվում են վերակենդանացման բաժանմունքում։ Մեկ հոգի գտնվում է այրվածքների բաժանմունքում, նրա վիճակը միջին ծանրության է։
Ղրղզստանի նախագահ Սադիր Ժապարովն անձնական հսկողության տակ է վերցրել իրավիճակը Բիշքեկի ՋԷԿ-ում, ասել է պետության ղեկավարի մամուլի քարտուղար Ասկատ Ալագոզովը։