Բայդենի եղբայրը ցուցմունք կտա ԱՄՆ Ներկայացուցիչների պալատում. ցուցմունքը ԱՄՆ նախագահի իմփիչմենթի հարցով կոմիտեի հետաքննության մի մասն է
Ներկայացուցիչների պալատի Վերահսկիչ և դատական հանձնաժողովները չորեքշաբթի հայտարարել են, որ իրենք ծրագրել են փետրվարի 21-ին՝ փակ դռների հետևում հարցաքննել նախագահ Ջո Բայդենի եղբորը՝ Ջեյմս Բայդենին: Այս մասին տեղեկացնում է NBC News-ը:
Այս ցուցմունքը ԱՄՆ նախագահի իմփիչմենթի հարցով կոմիտեի հետաքննության մի մասն է։ Հանրապետականները հետաքրքրված են Ջեյմս Բայդենի բիզնես գործարքներով և ցանկանում են պարզել՝ արդյոք ԱՄՆ նախագահը ներգրավվե՞լ է այդ գործունեության մեջ, թե՞ օգտագործել է իր ազդեցությունը՝ իրենց օգուտ տալու համար։
Բայդենի որդին՝ Հանթերը, նախատեսվում է՝ նմանատիպ ցուցմունքներ կտա փետրվարի 28-ին։
Նոյեմբերին Վերահսկիչ հանձնաժողովի նախագահ Ջեյմս Քոմերը ծանուցագրեր է հրապարակել՝ որպես GOP-ի իմփիչմենթի հետաքննության մաս՝ ներառյալ Ջեյմս Բայդենի համար: Այն ժամանակ հանձնաժողովն ասել է, որ ձեռք բերված ֆինանսական գրառումները ցույց են տվել, որ Բայդենների ընտանիքի անդամների կողմից ստեղծված 20 ընկերություններ, որոնցից շատերը ստեղծվել այն ժամանակ, երբ Ջո Բայդենը փոխնախագահ էր, եղել են օտարերկրյա հակառակորդներից վճարումները թաքցնելու միջոցներից մեկը:
Սպիտակ տունը կտրականապես հերքել է նախագահի կողմից չարաշահումների մասին մեղադրանքները՝ ասելով, որ հանրապետականները ոչ մի ապացույց չեն ներկայացրել իրենց պնդումները հիմնավորելու համար: Բայդենի օգնականներն ասել են, որ Հանրապետական կուսակցությունը ցանկանում է իմպիչմենտի ենթարկել նախագահին քաղաքական փոխհատուցման համար՝ վրեժ լուծելով նախկին նախագահ Դոնալդ Թրամփի երկու իմպիչմենտների համար:
Ներկայացուցիչների պալատը դեկտեմբերին քվեարկել էր նախագահ Բայդենի իմփիչմենթի հետաքննությունը պաշտոնապես թույլատրելու մասին:
