Կարմիր ծովում ցանկացած լարվածություն վատ հետևանք է ունենալու Բայդենի համար. Politico
Անդրադառնալով համաշխարհային տնտեսության վրա Կարմիր ծովում տիրող լարված իրավիճակի ազդեցությանը և ԱՄՆ-ում գրանցված գնաճին, Politico կայքը գրել է. «Ապրանքների և վառելիքի բարձր արժեքը կխոչընդոտի նախընտրական կարևոր փուլում Բայդենի տնտեսական ուղերձը ամերիկացի ընտրողներին հասցնելու Սպիտակ տան ջանքերին:
Կարմիր ծովում լարվածությունը սրվել է դեմոկրատների և ԱՄՆ նախագահ Ջո Բայդենի համար ամենաանհարմար պահին: Որովհետև ԱՄՆ-ում 2024 թվականի նախագահական ընտրություններից առաջ այս տարածաշրջանի տնտեսական անապահովությունը կարող է ավելացնել գնաճը, ինչը չի բխում դեմոկրատների շահերից»:
Politico-ն գրել է. «Թեև Կարմիր ծովում բախումներն ավելի շատ կազդեն Եվրոպայի, Աֆրիկայի և Մերձավոր Արևելքի վրա, երկարաժամկետ հեռանկարում իրավիճակը զգալի ռիսկեր կստեղծի նաև Միացյալ Նահանգների համար և կարող է բարձրացնել սպառողական ապրանքների գները: Իսկ տնտեսության մեջ գրանցված ցանկացած բացասական փոփոխություն ուղղակիորեն կազդի ընտրողների վրա, ովքեր արդեն հոռետեսորեն են տրամադրված Բայդենի հարկաբյուջետային քաղաքականության նկատմամբ»:
