Իրանի ազգային անվտանգության բարձրագույն խորհրդի քարտուղարը Մոսկվայում է
Իրանի ազգային անվտանգության բարձրագույն խորհրդի քարտուղար Ալի Աքբար Ահմադիյանը ՌԴ Անվտանգության խորհրդի քարտուղար Նիկոլայ Պատրուշևի հրավերով այցելել է Մոսկվա: Տեղեկացնում է ՏԱՍՍ-ը:
Ահմադիյանի և Պատրուշեւի բանակցությունների օրակարգում կլինեն երկկողմ հարաբերությունների զարգացման հարցերը, տարածաշրջանային և միջազգային իրադարձությունները, ինչպես նաև պաղեստինյան հարցը:
Իր ռուս գործընկերոջ հետ հանդիպումից բացի՝ Ահմադիյանը Մոսկվա կատարած իր առաջին պաշտոնական այցի ընթացքում քննարկումներ կունենա նաև մի շարք այլ բարձրաստիճան ռուս պաշտոնյաների հետ:
Հիշեցնենք՝ ՌԴ ԱԳ նախարար Սերգեյ Լավրովը նախօրեին՝ Նյու Յորքում ՄԱԿ–ի շրջանակներում, հանդիպում է ունեցել Իրանի ԱԳ նախարար Հոսեյն Ամիր Աբդոլլահիյանի հետ: Կողմերը հանդես են եկել Գազայի հատվածում շուտափույթ հրադադարի օգտին և մտահոգություն հայտնել Կարմիր ծովի ջրատարածքում լարված իրադրության կապակցությամբ:
