Մեր ժամանակի հերոսները․ Մխիթար Գալեյան
Ծնվել է 2000թ օգոստոսի 17-ին։ Հաճախել է Հովհաննես Իսակովի անվան թիվ 132 հիմնական դպրոց, այնուհետև ընդունվել է թիվ 149 ավագ դպրոց։ Միաժամանակ ուսանել է Հայ-ռուսական (Սլավոնական) համալսարանի 0 կուրսում։ 2018թ ընդունվել է Հայ-ռուսական (Սլավոնական) համալսարանի «Քաղաքագիտության» բաժինը, որտեղ սովորել է 4 ամիս։ Մխիթարը փոքրուց ակտիվ է եղել, ունեցել է լիդերին բնորոշ հատկանիշներ:
Դպրոցական տարիքից փայլել է իր դաստիրակությամբ և մարդկային բարձր արժեքներով: 2019 Հունվարի 17-ից ծառայության է անցել Արցախի Հանրապետության Հադրութ քաղաքի զորամասում։ Հրամանատար Ալբերտ Խաչատրյանի մահից հետո ստանձնել է հրամանատարի պարտականությունները, և միայնակ վարել մարտը:
Քաջաբար ընկել է 2020 թվականի հոկտեմբերի 1-ին՝ Հադրութում թեժ կռվի ժամանակ ընկերոջ կյանքը փրկելիս:
