Ադրբեջանում ավարտվել է գերեվարված պահեստազորային Գագիկ Ոսկանյանի դեմ «քրեական գործի նախաքննությունը»
Ադրբեջանում ավարտվել է այս տարվա օգոստոսին օկուպացված Քարվաճառում կալանավորված պահեստազորային Գագիկ Ոսկանյանի դեմ հարուցված քրեական գործի նախաքննությունը, հայտնում է ԱՊԱ գործակալությունը։
Քրեական գործի վերաբերյալ նյութերն ուղարկվել են Գյանջայի ծանր հանցագործությունների դատարան։
Հիշեցնենք, որ օգոստոսի 16-ին հաղորդագրություն էր տարածվել, որ մարտական դիրքը լքել է պահեստազորային, վարժական հավաքների մասնակից Գ.Ո.-ն: Ավելի ուշ ադրբեջանական կողմը հայտնել էր, որ իրենք գերեվարել են Գագիկ Ոսկանյանին։
Օգոստոսի 18-ին ադրբեջանական դատարանն ապօրինի կալանավորել է Ոսկանյանին։
