Մոսկվայի օդանավակայաններում ձյան պատճառով ավելի քան 40 չվերթ է հետաձգվել կամ չեղարկվել
Մոսկվայի երեք օդանավակայաններում ձյան պատճառով հետաձգվել է 37 չվերթ, ևս 8-ը չեղարկվել, հայտնում է «Իզվեստիա»–ն։
Մասնավորապես, Երևանի ժամանակով ժամը 8:50-ի դրությամբ «Վնուկովո» օդանավակայանում հետաձգվել է 10 չվերթ և 2-ը չեղարկվել, »Դոմոդեդովո»-ում հետաձգվել է 19-ը, իսկ «Շերեմետևո» օդանավակայանում՝ 8 չվերթ:
Նախօրեին Հիդրոմետկենտրոնում ձյան, ձնաբքի և մերկասառույցի պատճառով եղանակային վտանգի «դեղին» մակարդակ է հայտարարվել։ Այն Մոսկվայում կգործի մինչև ուրբաթ առավոտ:
«Ֆոբոս» եղանակի կենտրոնի առաջատար մասնագետ Եվգենի Տիշկովեցը հայտնել է, որ ձյան ծածկույթի բարձրությունը հոկտեմբերի 27-ին կարող է հասնել 5 սմ-ի:
