Իրանցի դիվանագետը մանրամասներ է հրապարակել թեհրանյան հանդիպման օրակարգից
Թեհրանում կայանալիք «3+3» ձևաչափով հանդիպման օրակարգում տարածաշրջանային կայունության, խաղաղության և անվտանգության ամրապնդումն է։ Այս մասին հայտարարել է ՌԴ-ում Իրանի դեսպան Քազեմ Ջալալին՝ անդրադառնալով երկուշաբթի օրը Թեհրանում կայանալիք «3+3» հանդիպմանը։
«Մեհր» գործակալության փոխանցմամբ, իրանցի դեսպանն ընդգծել է՝ մեզ շրջապատող հարցերը կարող են բանակցվել և լուծվել տարածաշրջանի երկրների համագործակցությամբ ու փոխգործակցությամբ, առանց արտաքին դերակատարների ներգրավման։
Հիշեցնենք, որ Թեհրանում այսօր մեկնարկել է «3+3» ձևաչափով հանդիպումը, որին կմասնակցեն տարածաշրջանի երկրներից Ադրբեջանի, Հայաստանի, Ռուսաստանի, Թուրքիայի ու Իրանի ԱԳ նախարարները։ Վրաստանը չի մասնակցում հանդիպմանը։
