«Զանգեզուրի միջանցքը» կնպաստի Բաքվի և Երևանի հարաբերությունների կարգավորման գործընթացին. Զախարովա
ՌԴ ԱԳՆ խոսնակ Մարիա Զախարովան այսօրվա ճեպազրույցում անդրադարձել է «Զանգեզուրի միջանցքի» թեմային։
«Այս նախագծի իրականացման մեջ տեսնում ենք էական ներուժ՝ Երևանի և Բաքվի հարաբերությունների կարգավորման ճանապարհով առաջ շարժվելու համար», – ասել է նա:
Զախարովայի խոսքով, ամեն ինչ կախված է կողմերի պատրաստակամությունից.
«Քննարկվում է տրանսպորտային երթուղու վերականգնման նախագիծը, որը Ադրբեջանը Հայաստանի տարածքով կապում է Նախիջևանի Ինքնավար Հանրապետության հետ։ Ամեն ինչ կախված է երկրների քաղաքական կամքից և կոնկրետ պայմանավորվածությունների հասնելու պատրաստակամությունից», – հավելել է ՌԴ ԱԳՆ ներկայացուցիչը։
