Արմեն Աշոտյանի կալանավորումը Փաշինյանին քննադատելու հետևա՞նք է․ հարցվածների 24,2 տոկոսը նշել է՝ «միանշանակ այո»
Հունիսի 15-ին ձերբակալվեց, այնուհետև կալանավորվեց ՀՀԿ փոխնախագահ Արմեն Աշոտյանը: Ըստ Ձեզ՝ սա Արմեն Աշոտյանի կողմից իշխանությանը, հատկապես Նիկոլ Փաշինյանին ակտիվ քննադատելու հետևա՞նք է, թե՞ ոչ»․ «GALLUP International Association»-ի Հայաստանում լիիրավ անդամ «Էմ Փի ՋԻ» ՍՊԸ-ի իրականացրած հեռախոսային հարցումների ժամանակ հետաքրքրվել են քաղաքացիներից․ որի արդյունքները ներկայացրել է ընկերության տնօրեն Արամ Նավասարդյանը:
«24.2 տոկոսը նշել է, որ՝ «միանշանակ այո», «ավելի շուտ այո» նշել է 17.1 տոկոսը: «Ավելի շուտ ոչ» նշել է 12.9 տոկոսը, և «միանշանակ ոչ»՝ նշել է 19.8 տոկոսը: Դժվարացել է այս հարցին պատասխանել 26 տոկոսը: Ես կարծում եմ՝ «դժվարացել է պատասխանել»-ի բարձր ցուցանիշը կապված է նրա հետ, որ այդ հերթական շոուն, որը մեզ ցուցադրեցին, շատ թյուր պատկերացում է տալիս, թե ինչ գործի մասին է խոսքը»,- ասաց Արամ Նավասարդյանը:
