Ռուբեն Վարդանյանն ընդգրկվել է Ուկրաինայի «Միրոտվորեց» պատժամիջոցների բազայում
Արցախի նախկին պետնախարար Ռուբեն Վարդանյանն ընդգրկվել է Ուկրաինայի «Миротворец» պատժամիջոցների բազայում։ Այս մասին հայտնում է Censor.NET-ը։
Նշվում է, որ Վարդանյանը ցուցակում ներառվել է որպես «անհապաղ ձերբակալման և Ուկրաինայի կամ ՆԱՏՕ-ի երկրների իրավապահ մարմիններին փոխանցման ենթակա անձ»։
««Миротворец» կենտրոնը խնդրում է իրավապահ մարմիններին սույն հրապարակումը դիտարկել որպես հայտարարություն տվյալ քաղաքացու կողմից Ուկրաինայի ազգային անվտանգության, խաղաղության, մարդկության անվտանգության և միջազգային իրավունքի և կարգի դեմ ուղղված կանխամտածված գործողությունների, ինչպես նաև այլ իրավախախտումների վերաբերյալ»,- ասված է հաղորդագրության մեջ։