Կախովկայի ՀԷԿ-ի պայթունից հետո հեղեղված քաղաքում ջրի մակարդակը սկսել է իջնել
Նովայա Կախովկայա քաղաքի փողոցներում ջրի մակարդակը սկսել է նվազել։ «ՌԻԱ Նովոստի»-ի փոխանցմամբ, այս մասին հայտնել են Նովայա Կախովկայի վարչակազմից։
Նշվում է, որ Կախովի (Կախովկայի) հիդրոէլեկտրակայանի պայթունից հետո ջրի մակարդակը բարձրացել է գրեթե 11 մետրով։
«Հեղեղված փողոցներում ջրի մակարդակը սկսել է իջնել»,- ասվում է հրապարակման մեջ։
Հիշեցնենք, որ հունիսի 6-ի գիշերը Կախովկայի ՀԷԿ–ի վերին մասը ավերվել է տեղի ունեցած գնդակոծությունների հետևանքով, ջրամբարի ամբարտակը չի քանդվել: Հարվածը ՀԷԿ–ին, ենթադրաբար, հասցվել է «Օլխա» ՀԿՌՀ–ից։
Նշենք, որ Ուկրաինան հայտարարում է՝ Կախովի ՀԷԿ–ը պայթեցրել են ՌԴ–ի զինված ուժերը, ռուսական կողմը՝ ուկրաինական զինված ուժերը։