Հունիսի 6-8-ը Թումոյի այգուց կգործեն անվճար ավտոբուսներ դեպի «Բարեկամություն» և «Զորավար Անդրանիկ» կայարաններ
Երեք օր շարունակ, ժամը 20:00-ից Թումոյի այգում կներկայացվեն Արամ Խաչատրյանի բալետային գլուխգործոցները:
Նախագիծն իրականացվում է Երևանի քաղաքապետարանի նախաձեռնությամբ:
Բեմում լինելու է Ալ. Սպենդիարյանի անվան օպերայի և բալետի ազգային ակադեմիական թատրոնի արտիստական կազմն ու նվագախումբը՝ մաեստրո Կարեն Դուրգարյանի ղեկավարությամբ:
Հունիսի 6 – «Գայանե»
Հունիսի 7 – «Դիմակահանդես»
Հունիսի 8 – «Սպարտակ»
Մուտքն ազատ է:
Նշենք, որ հունիսի 6-ին, 7- ին և 8- ին Երևանի մետրոպոլիտենը կաշխատի մինչև ժամը 01:00-ն: