Կառավարիչը 2018-ին ձեր հաշվին պարտք վերցրեց, ուրախացավ, վայելեց, այսօր էլ տոկոսներով հետ է տալիս
«Քաղաքացու օր»…
Հարգելի ադեկվատ ՀՀ քաղաքացի՝ ժողովուրդ. լավ իմացեք սուտը շատ նման է պարտք վերցնելուն, այսօր վերցրիր ուրախացար, վայելեցիր, վաղը պետք է վճարես…
Կառավարիչը 2018-ին ձեր հաշվին պարտք վերցրեց, ուրախացավ, վայելեց, այսօր էլ տոկոսներով հետ է տալիս, բայց տալիս է ոչ թե իր գրպանից, այլ պետության, պետականության և ամենագլխավորը ձեր՝ քաղաքացու և ժողովրդի կորուստի հաշվին: Ուզում եմ բանաստեղծուհի Լյուդմիլա Շահումյանցու կողմից գրված մի բանաստեղծությամբ դիմեմ ձեզ.
ՇԻՐԱԶԻ ԿՈՉԸ.
Այսօր իզուր եք ինձ եկել
այցի
Նահատակներին գնացեք այցի,
Նրանք էլ ինձ պես խաբված մնացին
Զորեղ հավատով` ավաղ, զոհվեցին…
Այսօր նրանք են արժանի փառքի
Ամեն ջերմ խոսքի ու մեծարանքի,
Այսօր ես էլ եմ խոնարհվում` անձայն
Շիրմաթմբերին բյուր` աղոթքաձայն:
Այսօր աշխարհը նորից քարացել
Հայի մեծ վշտին անտարբեր դարձել ,
Էդ ի՞նչ արեցին Ղարաբաղիս հետ
Նորից թշնամու երախն են գցել…
Ոտքի’ կանգնեցեք, աշխարհի հայեր
Արցախի հարցը էդ ո՞նց են լուծել ,
Ձեռք ձեռքի տվեք, իրար միացեք
Արցախը հային ետ վերադարձրե՛ք:
Շուշի, Դադիվանք, Ամարաս չքնաղ,
Մեսրոպ Մաշտոցի դպրոց հայատառ,
Խաչքարեր բազում, կոթող, հուշարձան
Սրբություններն են մեր հին, պապական…
Թշնամին այնտեղ չունի ոչ մի բան,
Այդ նրանց այնքան խորթ է ու օտար,
Ինչպես մի ոհմակ` անտառից փախած,
Կհոշոտեն, կքանդեն` գազանի նման…
Ինչո՞ւ եք այսօր ինձ այցի եկել Գնացե՛ք, կանգնե՛ք հողերին ձեր տեր,
Մասիսը քիչ էր, Արցախն եք կորցրել
Ու Հայաստանն էլ լրիվ մոռացել :
Այսօր լեզու չեմ գտնում ես ձեզ հետ
Նոր աղ են լցրել վերքերիս ասես,
Ցավերս նորից բկիս դեմ ելել
Արցախ ու Մասիս իրար եմ խառնել…
Հերի՛ք է իրար դավաճան կոչեք
Դավաճաններով հողը չե՛ն փրկել ,
Իրար մեջ տեսեք հայ, հայրենասեր
Շիրազյան ոգին որտե՞ղ է կորել…
Հայաստանը մեծ՝ ծովից-ծով կորցրել
Ուզում եք մի բուռ հողից է՞լ զրկվեք,
Միաձուլվեցե՛ք, մի բռունցք դարձե՛ք
Բյուր հազար սրտում` մի բուռը պահե՛ք…
Հ.Գ. Հարգելի ժողովուրդ, մի եղեք խաբված գործիք և մի դարձեք ստով տանուլ տված երկրի բաժնետեր: Ձեզ խաբում են…
Արթուր Թովմասյանի ֆեյսբուքյան էջից
