Պարգևներ են հանձնվել տավուշցի 3 զոհված զինծառայողների հարազատներին
Այսօր Տավուշի մարզպետարանում տեղի ունեցած հանդիսավոր միջոցառմանը Տավուշի մարզպետ Հայկ Ղալումյանը ՀՀ ՊՆ 3-րդ բանակային կորպուսի հրամանատար գնդապետ Ալեքսանդր Ցականյանի հետ պարգևներ է հանձնել 2022 թ. սեպտեմբերի 13-ին սկսված ռազմական գործողությունների հետևանքով զոհված 3 տավուշեցի զինծառայողների՝ Սարմեն Բեջանյանի, Լավրենտի Եպիսկոպոսյանի և Տիգրան Մուսայելյանի հարազատներին: Այդ մասին ասված է մարզպետի Ֆեյսբուքի էջում:
«Հանուն հայրենիքի նահատակված տղաները հետմահու պարգևատրվել են «Մարտական ծառայություն» մեդալով՝ հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած արիության և անմնացորդ նվիրումի համար»,- նշված է գրառման մեջ:
