Հարավային ռազմական օկրուգի ռազմական ինժեներները Հայաստանի լեռներում մարզումների ժամանակ կատարել են հատուկ առաջադրանքներ
Հայաստանում Հարավային ռազմական օկրուգի (ՀՌՕ) ռազմակայանի ինժեներային զորքերի ստորաբաժանումների մասնագետները իրականացրել են զորքերի ինժեներա-սակրավորային ապահովում Ալագյազի բարձրլեռնային զորադաշտում իրականացված մարզումների ընթացքում։ Այս մասին տեղեկացրել է Հարավային ռազմական օկրուգի մամուլի ծառայությունը։
Ստորաբաժանման զինծառայողները երթով հասել են զորադաշտ, որտեղ կատարել են համալիր հատուկ առաջադրանքներ դաշտային պայմաններում։
Ռազմական ինժեներները կատարել են բնագծերի, դիրքերի և շրջանների ուժեղացված ապահովում, հրամանատարական կետերի կահավորում բարձրլեռնային շրջաններում՝ ՀՌՕ-ի ռազմակայանի ստորաբաժանումների հետագա առաջադրանքների կատարման համար։
Սակրավորների ստորաբաժանումները տեղադրել են ականապայթուցիկ պատնեշներ, ոտքով հաղթահարել ականադաշտը՝ հատուկ տեխնիկայի, «Կորշուն» ականորսիչների օգտագործմամբ, ինչպես նաև ականներ որոնոշ շների օգնությամբ։
ՀՌՕ-ի ռազմակայանի սակրավոր ինժեներների մարզումներին մասնակցել է ավելի քան 150 զինծառայող, գործի են դրվել ավելի քան 20 միավոր հատուկ տեխնիկա և ավտոմեքենաներ։
