Թբիլիսիի Ռուսթավելի պողոտայից գիշերն ուժի կիրառմամբ հեռացրել են ցուցարարներին
Թբիլիսիի կենտրոնում մարտի 8-ի լույս 9-ի գիշերը շարունակվել է բողոքի ակցիան և ցուցարարների ուժով ցրելը։ Apsny.ge-ի փոխանցմամբ, հատուկ ջոկատայինները ջրցան մեքենաների և պղպեղի գազի կիրառմամբ մի քանի անգամ ցուցարարներին դուրս է հանել Ռուսթավելի պողոտայից, սակայն նրանք որոշ ժամանակ անց կրկին վերադարձել են։
Չնայած նրանց դեմ հատուկ տեխնիկայի կիրառմանը և ձերբակալություններին, ցուցարարները՝ հիմնականում երիտասարդներ, հավաքվում են մայրաքաղաքի կենտրոնական պողոտայում։ Փողոցի նստարաններից և աղբամաններից մի քանի վայրերում նրանք բարիկադներ են կանգնեցրել։
Ցուցարարները վանկարկում են «Վրաստան, Վրաստան» և երգում ազգային օրհներգը։
Նշվում է նաև, որ նաև մեկ ավտոմեքենա է այրվել։
Հիշեցնենք, որ Թբիլիսիում ակցիաները կապված են խորհրդարանի կողմից «Օտարերկրյա ազդեցության գործակալների մասին» օրենքի առաջին ընթերցմամբ ընդունման հետ, որն ընդդիմությունն ու քաղաքհասարակությունը համեմատում են «Օտարերկրյա գործակալների մասին» ռուսական օրենքի հետ։
Աշխարհում առաջինն ԱՄՆ է ընդունել «Oտարերկյա գործակալների մասին» օրենքը՝ 1938 թվականին (Foreign Agents Registration Act -FARA). օրենքը գործում է առ այսօր:
Սակայն նույն օրենքը այլ երկրում անվանում են ռուսական օրենք: