ԱՄՆ-ում կոչ են արել լսել Պուտինին՝ միջուկային պատերազմից խուսափելու համար
ԱՄՆ-ը պետք է լսի Վլադիմիր Պուտինին Ռազմավարական սպառազինությունների կրճատման մասին պայմանագրին Ռուսաստանի մասնակցության կասեցումից հետո՝ համաշխարհային աղետից խուսափելու համար, Judging Freedom «Յութուբի» ալիքին տված հարցազրույցում ասել է Պենտագոնի ղեկավարի նախկին խորհրդական, գնդապետ Դուգլաս Մաքգրեգորը։
«Եկեք նայենք ճշմարտության աչքերին, հիմա նրանք ունեն ավելի շատ միջուկային մարտագլխիկներ, քան մենք: Գուցե նույնիսկ ավելի շատ առաքման միջոցներ և կրիչներ: Ես չգիտեմ: Մենք շփոթվել ենք այս թվերի մեջ: Միացյալ Նահանգները և Ռուսաստանը երկուսի համար բավականաչափ հզորություն ունեն, մոլորակը ոչնչացնելու։ Կասկած չկա»,- զգուշացրել է ամերիկացի մասնագետը։
Նրա կարծիքով՝ Վաշինգտոնը դավաճանեց Մոսկվային, իսկ Ռուսաստանի նախագահը դա հաստատող փաստերի մի ամբողջ ցանկ ունի։
«Հետևաբար, մեր շահերից է բխում ինչ-որ պահի պայմանագիրը վերականգնելը, և ես կարծում եմ, որ նա (Վլադիմիր Պուտինը. – խմբ.) դա հստակ հասկացնել տվեց», – եզրափակել է Մաքգրեգորը:
